چنیوٹ( آئی این پی )مسلم لیگی ایم پی اے مولانا محمد الیاس چنیوٹی اپنی ہی حکومت کے خلاف پھٹ پڑے ،چنیوٹ فیصل آبا روڈ ون وے نہ ہو نے پر احتجاج کی دھمکی ،ڈی سی آفس کے سامنے احتجاج کیا جائے ،ان خیالات کا اظہار مسلم لیگ (ن)کے چنیوٹ سے ایم پی اے مولانا محمد الیاس چنیوٹی نے گذشتہ روز چناب نگر میں پریس کا نفرنس سے خطاب کرتے ہو ئے کیا ،انہوں نے کہا کہ پنجاب حکومت چنیوٹ فیصل آبادروڈ کو ون وے کر نے پر لیت و لعل سے کام لے رہی ہے اب ہم مزید لاشے نہیں اٹھا سکتے آئے
روز حادثات سے سینکڑوں کی تعداد لوگاپنی قیمتی جا نوں سے ہاتھ دھو بیٹھے ہیں اور سینکڑوں اپاہج ہو چکے ہیں اور پنجاب حکومت ٹس سے مس نہیں ہو رہی ،ان کا کہنا تھا کہ میں نے مخلصانہ طور پر کوششیں کی ہیں کہ جلد سے جلد روڈ ون وے ہو جائے ،لیکن حکومت فنڈز ریلیز ہی نہیں کر رہی یہاں بھی انسان بستے ہیں صرف سارا لاہور میں ہی نہ لگا یا جائے ،انہوں نے کہا کہ مسلم لیگ کی حکومت کس منہ سے اب چنیوٹ کی عوام سے ووٹ مانگے کہ جو حکومت ایک روڈ ون وے نہ کر سکی ،پنجاب حکومت کو سنجیدگی کے ساتھ اس ضمن میں کو شش کر نی چاہیئے اگر پنجاب حکومت نے یہ روڈ ون وے نہ کیا یااس کیلئے فنڈز جاری نہ کیئے تو ہم ڈی سی آفس کے باہر احتجاجی مظاہرہ کریں گے ،مولانا الیاس چنیوٹی نے مرکز ختم نبوت جا معہ عثمانیہ ختم نبوت چناب نگر کا دورہ کیا انہوں نے سالانہ تقریب کے کامیاب انعقاد پر مولانا شبیر احمد عثمانی کو مبارک باد دی اور کہا کہ ختم نبوت کے مشن پر کام کو مزید تیز کیا جائے ،انہوں نے ختم نبوت کے مشن پر کام کر نے والوں کو مبارک باد دی ،علا وہ ازیں انہوں نے پریس کا نفرنس میں مولانا محمد سالم قاسمی ؒ ،مولانا سید عطاء المومن شاہ بخا ری ؒ کی رحلت کو عظیم سانحہ قرار دیا اور ن کے بلندی درجات کیلئے دعا کی گئی ،اس موقع پر مولانا قا ری شبیر احمد عثمانی ،مولانا مطلوب الرحمان ،قا ری محمد سلمان عثمانی،محمد ثقلین ایڈووکیٹ ،محمد علی ،مولانا احسن رضوان و دیگر موجود تھے۔
