شہدادپور (آن لائن)چینی افسر کے مبینہ تشدد سے پاکستانی چل بسا بلوچستان کے علاقے گڈانی میں حب پاور پروجیکٹ پر کام کرنے والی نجی چائنیز کنسٹرکشن کمپنی پی ای پی سی کے مزدور ملازم 20 سالہ خالد رند ولد زارو خان رند کو مبینہ طور پر چینی افسر لاؤلی نے جان سے مار دیا، خالد کی نعش شہداپور کے قریبی گاؤں میر محمد کلہوڑو میں گھر پہنچنے پر صفِ ماتم بچھ گی ورثاء نے احتجاج کرتے ہوئے میڈیا کو بتایا کہ ہمارے مقتول
خالد ولد زارو خان رند کو کام کرنے کے دوران چینی افسر لاؤلی نے مکسچر مشین کی صفائی کرنے کے لئے مشین کے اندر بھیجا اور بعد میں مشین چلادی جس سے ہمارے نوجوان خالد نے تڑپ تڑپ کر جان دے دی مگر کمپنی کے کسی افسر یا نمائندے نے نعش کے ساتھ آنا تک گوارہ نہ کیا اور ہمارے ساتھ پیش آنے والے واقعے کو دبانے کی کوشش کی جارہی ہے ہماری بلوچستان کے وزیراعلی ، چیف جسٹس اور آرمی چیف سے مطالبہ ہے کہ ہمیں انصاف فراہم کیا جائے۔
