اسلام آباد (مانیٹرنگ ڈیسک)لیگی رہنما اور وزرا رانا ثنا اور عابد شیر علی کی جانب سے پی ٹی آئی خواتین کیلئے نازیبا زبان کے استعمال کے خلاف ملک بھر میں شدید غم و غصے کی لہر، علما، وکلا، صحافیوں سمیت ہر شعبہ زندگی سے تعلق رکھنے والے افراد کی شدید مذمت، اینکر پرسن ماریہ میمن نے اب عابد شیر علی کی ویڈیو جاری کرتے ہوئے انہیں شرم سے پانی پانی کر دیا۔
تفصیلات کے مطابق تحریک انصاف کے مینار پاکستان جلسے میں شامل خواتین کیلئے نازیبا الفاظ استعمال کرنے پر رانا ثناءاللہ اور اور فیصل آباد میں جلسے سے خطاب کرتے ہوئے شیریں مزاری کیخلاف نازیبا استعمال کرنے پر عابد شیر علی اس وقت شدید تنقید کی زد میں اور علما ، وکلا، صحافیوں سمیت ہر شعبہ زندگی سے تعلق رکھنے والے افراد لیگی رہنمائوں اور وزرا کی جانب سے پی ٹی آئی خواتین کیلئے نازیبا الفاظ کے استعمال پر ان کی مذمت کررہے ہیں۔ ایسے میں ہی اینکر پرسن ماریہ میمن نے اب عابد شیر علی کی بھی پرانی ویڈیو جاری کر دی ہے جس میں ان کی بیٹی انٹرویو دے رہی ہے۔یہ انٹرویو غالباً معروف صحافی سہیل وڑائچ نے اپنے مشہور پروگرام ”ایک دن جیو کیساتھ“ میں لیا تھا جس میں وہ عابد شیر علی کی فیملی کے ہمراہ ڈرائنگ روم میں براجمان ہیں اور ان کی اہلیہ اور بچوں سے ان کے متعلق سوال کر رہے ہیں۔ انٹرویو کے دوران انہوں نے عابد شیر علی کی بیٹی سے سوال پوچھا کہ ” پاپا کی سب سے اچھی بات کیا ہے؟“ تو وہ جواب دیتی ہیں کہ ”کوئی نہیں۔“ ماریہ میمن نے ٹوئٹر پر یہ ویڈیو جاری کرتے ہوئے لکھا ”جب آپ کی اپنی بیٹی ہی آپ کے بارے میں کوئی ایک بھی اچھی بات نہ سوچ سکتی ہو۔دوسری جانب سوشل میڈیا پر بھی عابد شیر علی کی شیریں مزاری سے متعلق نازیبا گفتگو پر صارفین ان کی شدید مذمت کر رہے ہیں۔
