اسلام آباد(مانیٹرنگ ڈیسک)ڈاکوؤں نے دلہا دلہن کی گاڑی روک لی ، بیچ سڑک نوبیاہتا دلہن کےخوفزدہ ہو کر شور مچانے پر گولی مار دی۔ تفصیلات کے مطابق بھارتی ریاست اتر پردیش میں ایک شاہراہ پرجہاں درندہ صفت ڈاکوؤں نے ایک نوبیاہتا مسلمان جوڑے کو لُوٹا اور پھر دلہن کو گولی مار دی اور ان کی گاڑی چھین کر فرار ہو گئے۔ہندوستان ٹائمز کے مطابق

یہ لرزہ خیز واقعہ جمعہ کی رات 11 بجے کے قریب شاہراہ NH58 پر پیش آیا۔ مظفر نگر سے تعلق رکھنے والا مسلمان نوجوان شاہزیب اپنی دلہن فرحانہ کے ساتھ محو سفر تھا کہ جب ایک گاڑی میں سوار چار افراد نے ان کا تعاقب شروع کر دیا۔ ماتور گاؤں کے قریب نوبیاہتا جوڑے کی گاڑی کو روک لیا گیا اور ڈاکوؤں نے ان سے لوٹ مار شروع کر دی۔ ان کے پاس موجود ساری رقم لوٹنے کے بعد ڈاکو دلہن کا زیور اتارنے کے لئے آگے بڑھے تو وہ خوف کے مارے چیخنے لگی۔ سفاک ڈاکوؤں نے اسے خاموش کروانے کے لئے گولی چلا دی جس سے وہ شدید زخمی ہو گئی۔ بدبختوں نے اسے شدید زخمی حالت میں گاڑی سے کھینچ کر باہر پھینک دیا اور لوٹے ہوئے سامان کے ساتھ گاڑی بھی لے کر فرار ہو گئے۔جس جگہ یہ واقعہ پیش آیا وہاں قریب قریب کوئی ہسپتال بھی نہیں تھا۔ زخموں سے تڑپتی دلہن کو 25 کلومیٹر کے فاصلے پر واقع مظفرنگر میڈیکل کالج کے ہسپتال لے جایا گیا لیکن تب تک وہ تڑپ تڑپ کر جان دے چکی تھی۔ پولیس کا کہنا ہے کہ مجرموں کی گرفتاری کے لئے قریبی پٹرول پمپوں اور ٹال پلازوں سے سی سی ٹی وی ویڈیو حاصل کر لی گئی ہے، تاہم ابھی تک ان کا کوئی سراغ نہیں مل سکا۔سفاک ڈاکوؤں نے اسے خاموش کروانے کے لئے گولی چلا دی جس سے وہ شدید زخمی ہو گئی۔ بدبختوں نے اسے شدید زخمی حالت میں گاڑی سے کھینچ کر باہر پھینک دیا اور لوٹے ہوئے سامان کے ساتھ گاڑی بھی لے کر فرار ہو گئے۔جس جگہ یہ واقعہ پیش آیا وہاں قریب قریب کوئی ہسپتال بھی نہیں تھا۔ زخموں سے تڑپتی دلہن کو 25 کلومیٹر کے فاصلے پر واقع مظفرنگر میڈیکل کالج کے ہسپتال لے جایا گیا لیکن تب تک وہ تڑپ تڑپ کر جان دے چکی تھی۔ پولیس کا کہنا ہے کہ مجرموں کی گرفتاری کے لئے قریبی پٹرول پمپوں اور ٹال پلازوں سے سی سی ٹی وی ویڈیو حاصل کر لی گئی ہے، تاہم ابھی تک ان کا کوئی سراغ نہیں مل سکا۔