اسلام آباد ( آئی این پی ) وفاقی وزیر خزانہ مفتاح اسماعیل نے کہا ہے کہ میں نے بطور وفاقی وزیر خزانہ حلف آج لیا ہے مگر یہ ایک حقیقت ہے کہ میں پہلے سے ہی اس وزارت کو چلا رہا ہوں ، مجھے آئین کے آرٹیکل 91 کی ذیلی شق 9 کا نہیں پتا تھا مجھے کل شام ہی پتا چلا کہ آئین کا آرٹیکل 91 کی ذیلی شق 9 بھی کوئی چیز ہے جس کے تحت میں حلف لے کر وزیر خزانہ بنوں گا، بجٹ میں نے سیکرٹری خزانہ نے اور بہت سے لوگوں نے مل کر بنایا ہے ،

وزیراعظم نے مجھے ایڈوائزر بننے کا پہلے ہی کہا تھا ، پانی کے مسئلے کے لئے کردار ادا کرنا فخر کی بات ہو گی ، ن لیگ نے ٹکٹ دیا تو کراچی سے الیکشن لڑوں گا ، امید ہے پارٹی کی جانب سے ٹکٹ ضرور ملے گا ۔ وہ نجی ٹی وی کو انٹرویو دے رہے تھے ۔ وزیر خزانہ نے کہا کہ میں نے آج وزیر خزانہ کا حلف لیا مگر یہ بات ایک حقیقت ہے کہ میں پہلے سے ہی اس منسٹری کو چلا رہا ہوں ۔ مجھے آئین کے آرٹیکل 91(9) کا نہیں پتہ تھا کل شام ہی پتہ چلا کہ آئین کا آرٹیکل 91(9) بھی کوئی چیز ہے جس کے تحت میں حلف لے کر وزیرخزانہ بنوں گا ۔ انہوں نے کہا کہ بجٹ صرف میں نے نہیں بہت سے لوگوں نے مل کر بنایا ہے ایوان میں نواز شریف کی کمی محسوس کی ۔ وزیر اعظم نے مجھے ایڈوائزر بننے کا پہلے بھی کہا تھا موجودہ بجٹ عوام کی امنگوں کے عین مطابق ہے ۔ بجٹ میں سالانہ اخراجات کا تخمینہ لگایا جاتا ہے ۔ پانی کے مسئلے کے لئے کردار ادا کرنا فخر کی بات ہو گی ۔ وزیر ،خزانہ نے کہا کہ 15 روز پہلے حکومت ھنے ایمنسٹی اسکیم کا اعلان کیا ۔ سرکاری ملازمین کی تنخواہوں میں 10 فیصد اضافہ کیا ہے ۔ روپے کی قدر میں اضافے کے لئے کام کر رہے ہیں زر مبادلہ کے ذخائر 15 ارب ڈالر ہو ں گے ۔ ایمنسٹی اسکیم کا ابھی کوئی خاطر خواہ ردعمل نہیں ملا ۔ مفتاح اسماعیل نے کہا کہ امید ہے ایمنسٹی اسکیم کے اچھے نتائج سامنے آئیں گے ۔ ن لیگ نے ٹکٹ دیا تو کراچی سے الیکشن لڑوں گا ۔ پوری امید ہے پارٹی کی جانب سے ٹکٹ ضرور ملے گا کراچی پیکج کا اعلان وزیراعظم پہلے کر چکے تھے اور اس پیکج کی کچھ رقم دی بھی جا چکی ہے ۔ ن لیگ کراچی کی بہتری کے لئے کام کرنا چاہتی ہے ۔ مسلم لیگ ن نے اپنے دور حکومت میں بہت کام کر دیا ۔