اسلام آباد (مانیٹرنگ ڈیسک)خواجہ آصف کیلئے دل میں بالکل بھی عزت نہیں لیکن منتخب نمائندوں کو عدالتوں کے ذریعے نا اہل قرار دینا کسی طور درست نہیں، خواجہ آصف کی نا اہلی کا فیصلہ آنے سے پہلے تحریک انصاف کی مرکزی رہنما شیری مزاری کی صاحبزادی ایمان مزاری کے ٹویٹ نے نیا پنڈورا باکس کھول دیا۔ تفصیلات کے مطابق پاکستان کے وزیر خارجہ خواجہ آصف جو کہ اب
عدالتی فیصلہ آنے کے بعد نا اہل ہو چکے ہیں کی حمایت میں ابھی ن لیگ کی جانب سے کوئی بیان سامنے نہیں آیا تھا کہ نااہلی کے فیصلے سے پہلے ہی تحریک انصاف کی مرکزی رہنما شیری مزاری کی صاحبزاد ایمان مزاری کے ٹویٹر پیغام نے تحریک انصاف سمیت دیگر سیاسی جماعتوں کو بھی حیران کر دیا ہے۔ شیری مزاری نے اپنے ٹویٹر پیغام میں خواجہ آصف کی نا اہلی پر تبصرہ کرتے ہوئے کہا ہے کہ ان کے دل میں خواجہ آصف کیلئے بالکل بھی عزت نہیں ہے لیکن منتخب نمائندوں کو عدالتوں کے ذریعے نا اہل قرار دینا کسی طور بھی درست نہیں ہے۔ایمان مزاری نے مزید کہا کہ غیر منتخب شدہ لوگوں کی جانب سے لوگوں کو نا اہل کیا جانا نہ صرف خطرناک ہے بلکہ قوم کے مجموعی مینڈیٹ پر بہت بڑا ڈاکہ ہے۔ ہم میں سے بہت سے لوگ مسلم لیگ ن یا تحریک انصاف کے لوگوں کو ناپسند کرتے ہوں گے لیکن یہ ووٹرز کا حق ہے کہ ان کی نمائندگی کون کرسکتا ہے۔خیال رہے کہ خواجہ آصف اور ایمان زینب کی والدہ شیریں مزاری میں اسمبلی اجلاسوں کے دوران اکثر تو تکرار ہوتی رہتی ہے۔ خواجہ آصف نے ایک اجلاس کے دوران شیریں مزاری کو ٹریکٹر ٹرالی بھی قرار دیا تھا۔ ایمان مزاری کی جانب سے خواجہ آصف نا اہلی کیس سے قبل ایسا ٹویٹ آنے پر سوشل میڈیا صارفین نے حیرت کا اظہار کیا ۔ایک صارف کے ٹویٹ پر ایمان مزاری کا کہنا تھا کہ ان کے دل میں
خواجہ آصف کیلئے ذرا بھی عزت نہیں ہے اور ان کے پاس اقامہ ہونا واقعی پریشان کن ہے لیکن وہ اس رجحان کی بات کر رہی ہیں جو بن گیا ہوا ہے، کیونکہ اب کوئی بھی شخص جو الیکشن نہیں جیت سکتا وہ عدالتوں کے ذریعے اپنے مخالفین کو نااہل قرار دلوادے گا۔
