اسلام آباد(مانیٹرنگ ڈیسک)11سالہ بچہ انصاف لینے کیلئے سپریم کورٹ پہنچ گیا۔ تفصیلات کے مطابق خیبرپختونخواہ کے علاقے دیر سے تعلق رکھنے والا 11سالہ ساجد اپنے چچا کے ہمراہ انصاف لینے کیلئے سپریم کورٹ پہنچ گیا ہے۔ ساجد پانچ برس قبل ایک قاتلانہ حملے میں اپنے والد اور دادی کے قتل ہونے کے موقع پر شدید زخمی ہو گیا تھا۔ قاتلوں نے فائرنگ کر کے اس کے والد اور دادی کو قتل کر

دیا تھا اسی دوران ایک گولی ساجد کے چہرے پر بھی لگی تھی جس کا نشان آج تک ساجد کے چہرے پر موجود ہے۔ والد اور دادی کو قتل اور اسے زخمی کرنے والے ملزمان کی آج تک عدم گرفتاری پر ساجد نے اپنے چچا کے ہمراہ سپریم کورٹ سے رجوع کرنے کا ارادہ کیا اور انصاف کیلئے سپریم کورٹ پہنچ گیا ہے. ساجد نے اپنے چچا کے ہمراہ چیف جسٹس سے واقعے کا ازخود نوٹس لینے کی اپیل کی ہے۔