اسلام آباد (مانیٹرنگ ڈیسک) پی آئی اے کی نازک صورتحال، خسارے میں چلنے والے قومی ادارے کے اہلکاروں کی عیاشیاں ، سی بی اے الیکشن جیتنے پر فاتح پینل کا بھارتی گانوں پر مخلوط رقص، ائیرہوسٹس نے ناچ ناچ کر جوتیاں توڑ ڈالیں۔ تفصیلات کے مطابق 400ارب خسارے میں چلنے والے قومی ادارے پی آئی اے کے اہلکاروں کے عیاشی سے بھرپور جشن نے سب کو حیران کر دیا ہے۔

پیپلز یونٹی نے سی بی اے الیکشن جیتا تو بھارتی گانوں پرمخلوط رقص کرکے جشن منایاگیا۔ اس موقع پر ائیرہوسٹس نے ناچ ناچ کر جوتیاں ہی توڑ ڈالی ہیں۔ اسلام آباد میں جشن کے دوران ایک ایئر ہوسٹس اور فلائٹ سٹیورڈ مل کر بھارتی گانے ” لیلیٰ “ پر رقص کرتے رہے، اس دوران خاتون ایئر ہوسٹس نے ایسے ٹھمکے لگائے کہ دیکھنے والے دنگ رہ گئے۔دوسری جانب لاہور میں بھی پیپلز یونٹی کی فتح پر بھرپور جشن منایا گیا اور جیالے اور جیالیاں مخلوط محفل میں پنجابی گانوں پر رقص کرتے رہے۔پی آئی اے ریفرنڈم میں ن لیگ کی حمایت یافتہ سی بی اے یونین ایئر لیگ کو بری طرح شکست کا سامنا کرنا پڑا جبکہ اپوزیشن جماعتوں کا اتحاد کام دکھا گیا اور پی آئی اے ریفرنڈم میں بھی سینیٹ الیکشن جیسی صورت حال دیکھنے میں آئی۔پیپلز یونٹی 4 ہزار 28 ووٹ حاصل کر کے کامیاب قرار پائی جبکہ سویپ ایئر لیگ نے صرف ایک ہزار 797ووٹ حاصل کیے، الیکشن میں مجموعی طور پر 6 ہزار ووٹ کاسٹ کیے گئے۔اپوزیشن جماعتوں کی حمایت یافتہ یونین انصاف فرنٹ، پیاسی یونائٹڈ ورکرز فرنٹ اور سکائی ویز نے پیپلز یونٹی کا ریفرنڈم میں بھرپور ساتھ دیا علاوہ ازیں پی آئی اے میں منعقد ہونے والے ریفرنڈم میں گرینڈ الائنس نے بھی بھرپور کردار ادا کیا۔پیپلز یونٹی کے الیکشن جیتنے پر اسلام آباد اور لاہور میں فاتح پینل کی جانب سے بھرپور جشن منایا گیا ۔

موضوعات:پی آئی اے ائیرہوسٹس سی بی اے الیکشن