اسلام آباد (مانیٹرنگ ڈیسک)ڈان لیکس رپورٹ میں مریم نواز کا نام شامل، چوہدری نثار نے نواز شریف سے پرانی دوستی نبھاتے ہوئے انہیں صاف بچا لیا، چاہتے تو سب کو تباہ کر سکتے تھے، پیپلزپارٹی کے رہنما سردار نبیل گبول کا انکشاف۔ تفصیلات کے مطابق پیپلزپارٹی کے رہنما سردار نبیل گبول نے انکشاف کرتے ہوئے کہا کہ ڈان لیکس رپورٹ میں مریم نواز کا نام شامل تھا تاہم چوہدری نثار
نے تمام تر اختلافات کے باوجود نواز شریف سے پرانی دوستی نبھاتے ہوئے ان کی صاحبزادی پر الزام نہیں آنے دیا۔ نبیل گبول کا کہناتھا کہ چوہدری نثار چاہتے تو مریم نواز کا نام لے کر سب کچھ تباہ کر سکتے تھے،س کے باوجود سابق وزیر داخلہ نے احسان فراموشی نہیں کی۔ یہ چوہدری نثار ہی ہیں جنہوں نے ڈان لیکس معاملے میں مریم نواز کو بچانے میں سب سے اہم کردار ادا کیا۔
