اسلام آباد (مانیٹرنگ ڈیسک)کراچی کی مقامی عدالت نے قرآن پاک کی بے حرمتی اور پاکستان مخالف نعرے بازی میں ملو ث ملزم دریا خان کو جوڈیشل ریمانڈ پر جیل روانہ کردیا۔میڈیا رپورٹس کے مطابق جوڈیشل مجسٹریٹ غربی کی عدالت میں قرآن کی بیحرمتی اور پاکستان مخالف نعرے بازی سے متعلق کیس کی سماعت ہوئی۔ عدالت میں پولیس نے گرفتار ملزم دریا خان کو پیش کیا ۔
عدالت میں تفتیشی آفیسر کا کہنا تھا کہ ملزم کوسائیٹ کے علاقے میں قرآن پاک کی بے حرمتی اور پاکستان مخالف نعرے بازی کرنے پر گرفتار کیاتھا جبکہ ملزم ذہنی طورپرمعذورہے لیکن وہ پانچ سے زائد بین الاقوامی زبانوں پرعبوررکھتا ہے۔ عدالت نے تفتیشی آفیسر کا موقف سنتے کے بعد ملزم دریا خان کو جوڈیشل ریمانڈ پر جیل روانہ کردیا
