ملتان (نیوز ڈیسک) میپکو انتظامیہ نے تحریک انصاف کے ملک عامر ڈوگر کے خلاف بجلی چوری کا مقدمہ درج کرنے کا فیصلہ کر لیا ہے، تفصیلات کے مطابق تحریک انصاف کے ایم این اے ملک عامر ڈوگر میپکو انتظامیہ نے بجلی چوری ثابت ہونے پر 15 لاکھ روپے سے زائد جرمانہ کرنے کے ساتھ ساتھ ان کے خلاف مقدمہ درج کرانے کا فیصلہ کیا ہے، ایم این ٹی کی رپورٹ سے پتہ چلتا ہے کہ تحریک انصاف کے رہنما ملک عامر ڈوگر کے نام سے لگے اس میٹر سے چھ سال تک کم از کم ایک لاکھ یونٹس بجلی چوری کی جاتی

رہی ہے۔ ملتان میں تحریک انصاف کے ایم این اے عامر ڈوگر کے خلاف الیکٹریسٹی ایکٹ کے تحت بجلی چوری کا مقدمہ درج کر لیا گیاہے ،ایس ڈی او انڈسٹریل اسٹیٹ چیکنگ ٹیم کے ساتھ کوٹلہ ابو الفتح میں تحریک انصاف کے ایم این اے عامر ڈوگر کے گھر پر چیکنگ کے لئے پہنچے جہاں 3 اے سی اور دیگر بجلی کی چیزیں استعمال ہو رہیں تھی جبکہ بجلی کا میٹر نہیں چل رہا تھا۔میپکو کی ٹیم کی جانب سے چوری کی بجلی استعمال کرنے پر بجلی کا میٹر کاٹ دیا گیا ہے جبکہ رکن اسمبلی کے خلاف مقدمہ درج کرلیاگیا ہے۔