اسلام آباد(مانیٹرنگ ڈیسک) عام انتخابات 2018 سے قبل مختلف سیاسی جماعتوں کے ارکان کی وفاداریاں تبدیل کرنے کا سلسلہ جاری ہے اور ایسے میں حکمران جماعت مسلم لیگ (ن) کے 3 قومی اور 2 ارکان صوبائی اسمبلی نے پارٹی چھوڑ دی۔لاہور میں مسلم لیگ (ن) کے رہنما خسرو بختیار نے قومی اسمبلی کی رکنیت سے مستعفی ہونے کا اعلان کیا جب کہ ساتھ ہی انہوں نے جنوبی پنجاب صوبہ محاذ بنانے کا بھی اعلان کیا۔

اس موقع پر مسلم لیگ (ن) کے وہاڑی سے ممبر قومی اسمبلی طاہر اقبال، ملتان سے ممبر قومی اسمبلی رانا محمد قاسم، مظفر گڑھ سے رکن قومی اسمبلی باسط بخاری نے بھی مستعفی ہونے کا اعلان کیا۔پریس کانفرنس سے خطاب کرتے ہوئے خسرو بختیار نے کہا کہ پریس کانفرنس کا مقصد وفاق کومضبوط اورنئے صوبے کے قیام کا اعلان ہے، محاذ کے سربراہ سابق وزیراعظم بلخ شیر مزاری ہوں گی۔2 ایم پی اے کا آزاد حیثیت میں الیکشن لڑنے کا اعلانعلی اصغر منڈا 2013 کے عام انتخابات میں پی پی 165 جب کہ طارق محمود باجوہ پی پی 170 سے رکن پنجاب اسمبلی منتخب ہوئے تھے۔علی اصغر منڈا کا کہنا ہے کہ وہ وفاقی وزیر برائے دفاعی پیداوار رانا تنویر کے مقابلے میں قومی اسمبلی کا الیکشن لڑیں گے۔طارق محمود باجوہ نے وفاقی وزیر برائے امورِ کشمیر اور گلگت بلتستان برجیس طاہر کے مقابلے میں آزاد حیثیت سے قومی اسمبلی کا الیکشن لڑنے کا اعلان کیا ہے۔