سلام آباد (نیوز ڈ یسک)بھارت کی ریاست آندھرا پردیش میں ٹی وی کی آواز کم کرنے پر شروع ہونے والا میاں بیوی کا جھگڑا افسوسناک انجام پر پہنچ گیا،
جہاں ایک خاتون پر الزام ہے کہ اس نے اپنے شوہر کو چاقو کے وار سے قتل کر دیا۔پولیس حکام کے مطابق یہ واقعہ منگل گیری کے علاقے میں پیش آیا۔ مقتول کی شناخت 27 سالہ شیخ احمد کے طور پر ہوئی ہے، جو پیشے سے اے سی مکینک تھا اور اپنی اہلیہ کے ساتھ ٹی آئی ڈی سی او ہاؤسنگ کالونی میں رہائش پذیر تھا۔ابتدائی تحقیقات کے مطابق احمد نے بیوی سے ٹی وی کی آواز کم کرنے کا کہا جس پر دونوں کے درمیان جھگڑا شروع ہو گیا۔ بات بڑھتے بڑھتے شدت اختیار کر گئی اور مبینہ طور پر خاتون نے غصے میں آ کر شوہر پر چاقو سے حملہ کر دیا۔
اہلِ علاقہ زخمی شخص کو فوری طور پر وجے واڑہ کے سرکاری اسپتال لے گئے، لیکن وہ زخموں کی شدت کے باعث جانبر نہ ہو سکا۔پولیس نے مقدمہ درج کر کے واقعے کی مزید تفتیش شروع کر دی ہے۔
