اسلام آباد ( آئی این پی ) پاکستان تحریک انصاف کے رہنماء بابر اعوان نے کہا ہے کہ نا اہل وزیر اعظم نے پاکستان کو پاکستان کی عوام اور پاکستان کے اداروں کو کھلی دھمکی دی ہے، نواز شریف نے کہا جو ہمارے راستے میں آئے گا اسکو نیست و نابود کر دے گے،نواز شریف ہم تمھارا اور اور تمھاری کرپشن کا راستہ روک کے کھڑے ہیں، نا اہل نواز شریف نے فرعون کی زبان بولی ہے،نواز شریف آپ کتنے بہادر ہیں پوری قوم جانتی ہے ۔

آپ نیست و نابود کا اعلان اس دن کرتے جب مشرف کو معافی نامہ لکھ کے دے کر باہر چلے گئے تھے،ایک طرف آپ دھمکیاں دیتے ہیں تو دوسری طرف کا آپکا وزیر اعظم رات کو مختلف ایوانوں میں معافیاں مانگتا پھرتا ہے۔جمعرات کو الیکشن کمیشن کے با ہر میڈیا سے گفتگو کر تے ہوئے بابر اعوان نے کہا کہ آج دوران سماعت الیکشن کمیشن نے کہا کہ وہ ایک ماہ کے اندر ایک ہزار سے زائد اعتراضات کو نمٹائیں گے،یہ بڑی خوش آئند بات ہے کہ حلقہ بندیوں پر اعتراضات کے بروقت فیصلے ہوں،بروقت الیکشن ہونے چاہیے، تحریک انصاف الیکشن کے ایک دن کے التوا کی بھی حامی نہیں ہے ، انہوں نے کہا کہ کل نا اہل وزیر اعظم نے پاکستان کو پاکستان کی عوام اور پاکستان کے اداروں کو کھلی دھمکی دی ہے، نواز شریف نے کہا جو ہمارے راستے میں آئے گا اسکو نیست و نابود کر دے گے،نواز شریف ہم تمھارا اور اور تمھاری کرپشن کا راستہ روک کے کھڑے ہیں،ہم پنجاب میں پولیس کے ذریعے جو ماورائے عدالت قتل ہیں اور جو غنڈہ گردی ہے اس کا راستہ روک کے کھڑے ہیں،کسی کو نیست و نابود کرنا یہ اللہ رب العزت کے ہاتھ میں ہے،کل نا اہل نواز شریف نے فرعون کی زبان بولی ہے ، بابر اعوان نے کہا کہ آپ جس راستے پر چل رہے ہیں اس میں آپکی کرپشن اور آپ کے باہر چھپائے گئے پیسے کو خطرہ ہے،نواز شریف آپ کتنے بہادر ہیں پوری قوم جانتی ہے،آپ نیست و نابود کا اعلان اس دن کرتے جب مشرف کو معافی نامہ لکھ کے دے کر باہر چلے گئے تھے نواز شریف آپ کہ کہنے میں کوئی ایک آدھ گلو بٹ آئے گا۔

آپ کے کارکن نہیں آئیں گے،سب لوگوں کو پتہ ہے کہ جب مشکل وقت آتا ہے آپ بھاگ جاتے ہیں۔ایک طرف آپ دھمکیاں دیتے ہیں تو دوسری طرف کا آپکا وزیر اعظم رات کو مختلف ایوانوں میں معافیاں مانگتا پھرتا ہے، انہوں نے کہا کہ نیب کی عدالت کے فیصلے فوری ہونے چاہیے تاکہ لوگوں پتہ چلے کہ سچ کیا ہے،جب جب نواز شریف اور اڈیالہ جیل میں فاصلہ کم ہو رہا ہے وہ پریشان نہیں ہو رہے ہلکان ہو رہے ہیں،نواز شریف اتنے بہادر ہیں تو مودی کا نام لے کر اور بھارتی فوج کی مذمت کریں جو کچھ وہ کشمیر میں کر رہے ہیں،آپ اگر بہادر ہیں تو سرکاری پروٹول کو چھوڑ کر جلسے کریں،الیکشن وقت پر ہوں گے۔