کراچی(مانیٹرنگ ڈیسک)کراچی میں جعلی کرنسی نوٹ پھیلانے والے گروہ کے 5کارندے گرفتار کر لئے گئے ،نجی ٹی وی کے مطابق کراچی میں ایس آئی یو سی آئی اے ویسٹ زون نے خفیہ اطلاع پر سرجانی ٹاؤن میں کامیاب کارروائی کی جس کے دوران 5افراد کو دھر لیا گیا دوران تفتیش ملزمان نے انکشاف کیا کہ وہ شہر میں جعلی کرنسی نوٹ
بیچتے تھے ۔5ہزار کا نوٹ4ہزار میں بیچا جاتا تھا ۔ان کا گروہ پورے شہر میں متحرک ہے ۔ڈی ایس پی کے مطابق گرفتار کئے گئے ملزموں کا تعلق پنجاب کے شہر رحیم یار خان سے ہے اور یہ گروہ شہر میں کافی عرصے سے متحرک تھا۔ ان کے ساتھیوں کی گرفتاری کیلئے چھاپے مارے جارہے ہیں ۔اس سلسلے میں جلد ہی بڑی کامیابی حاصل ہو گی۔
