اسلام آباد (آئی این پی)وفاقی وزیر داخلہ احسن اقبال نے کہا ہے کہ پاکستان کشمیر میں بھارتی افواج کے ظلم و تشدد اور قتل عام کی شدید مذمت کرتا ہے، بھارت مقبوضہ کشمیر میں طاقت کے استعمال سے عدم استحکام لا رہا ہے۔ پیر کو میڈیا سے گفتگو کرتے ہوئے وفاقی وزیر داخلہ احسن اقبال نے کہا کہ عالمی برادری کشمیریوں سے حق خود
ارادیت کا وعدہ پورا کرے، پاکستان کشمیر میں بھارتی افواج کے ظلم و تشدد اور قتل عام کی شدید مذمت کرتا ہے، کشمیرکی موجودہ صورتحال پر آج کابینہ کا خصوصی اجلاس بلایا گیا ہے، عالمی برادری کشمیر پر ہونے والے مظالم کا نوٹس لے، بھارت مقبوضہ کشمیر میں طاقت کے استعمال سے عدم استحکام لارہا ہے۔
