لاہور(آئی این پی ) وزیراعلی پنجاب شہبازشریف نے کہا ہے کہ مقبوضہ کشمیر میں مظالم نے سب سے بڑی جمہوریت کی دعویدار بھارتی ریاست کا گھنانا چہرہ بے نقاب کردیا،بھارتی ظلم وستم پر عالمی برادری کی مجرمانہ خاموشی کا کوئی جواز نہیں،ہم کشمیری عوام کی سیاسی، اخلاقی اور سفارتی حمایت جاری رکھیں گے۔ تفصیلات کے مطابق وزیراعلی پنجاب شہبازشریف نے اپنے بیان میں مقبوضہ کشمیر میں بھارتی فوج کی دہشت گردی کی مذمت کی اور کشمیری نوجوانوں کی شہادت پرگہرے دکھ اور افسوس کا اظہار کیا ہے۔
شہبازشریف نے شہید نوجوانوں کی عظیم قربانیوں کو خراج عقیدت پیش کرتے ہوئے کہا کہ بھارتی افواج نے مقبوضہ کشمیر میں بربریت اور درندگی کی انتہا کردی، مظالم نے سب سے بڑی جمہوریت کی دعویدار بھارتی ریاست کا گھناناچہرہ بے نقاب کردیا۔وزیراعلی پنجاب نے کہا کہ بھارتی ظلم وستم پر عالمی برادری کی مجرمانہ خاموشی کا کوئی جواز نہیں، مقبوضہ کشمیر کے نہتے عوام اپنے لہو سےآزادی کی شمع روشن کررہے ہیں، ہم کشمیری عوام کی سیاسی، اخلاقی اور سفارتی حمایت جاری رکھیں گے۔
