لاہور (آئی این پی) پاکستان تحریک انصاف کے چیئرمین عمران خان نے کہا ہے کہ نیب کے فیصلوں سے قبل حکمرانوں نے اداروںکے خلاف محاذ آرائی تیز کردی ہے ‘ جیسے جیسے فیصلے کا وقت آرہا ہے حکمرانوں کی بوکھلاہٹ بڑھتی جارہی ہے۔ اتوار کو چیئرمین پی ٹی آئی عمران خان سے پارٹی ترجمان فواد چوہدری نے ملاقات
کی جس میں مختلف امور پر تبادلہ خیال کیا گیا۔ فواد چوہدری نے حکمران جماعت مسلم لیگ (ن) کی الیکشن کمیشن کے خلاف مہم سے بھی آگاہ کیا۔ عمران خان نے کہا کہ جیسے جیسے فیصلے کا وقت قریب آرہاہے حکمرانوں کی بوکھلاہٹ بڑھتی جارہی ہے نیب کے فیصلے سے قبل حکمرانوں نے اداروںکے خلاف محاذ آرائی تیز کردی ہے عوام اداروں کے خلاف جنگ برداشت نہیں کریںگے۔
