ایبٹ آباد(آئی این پی)ایبٹ آباد کے نواحی علاقہ بانڈہ علی خان میں باپ نے پسندکی شادی کرنے والی نوعمر بیٹی اورداماد کومعاف کرنے کے بہانے گھر میں بلا کر فائرنگ کرکے قتل کردیا ہے۔پولیس نے ملزم اوراس کا داماد گرفتارکرکے کرکی3ملزمان کے خلاف مقدمہ درج کرلیا ہے۔پولیس ذرائع کے مطابق بانڈہ علی خان میں انورخان ولد حسین نے پسند کی شادی کرنے والی اپنی بیٹی مسماۃ(ف)اوراس کے شوہرناصر ولد سلیم کو گھر میں بلاکرقتلکردیا۔
انور خان نے اپنی بیٹی اوردامادکومعاف کرنے کے بہانہ گھر بلایا تھا۔وقوعہ کی اطلاع پر ایس ایچ اوتھانہ میرپور سردار رفیق پولیس نفری کے ہمراہ موقع پر پہنچ آئے اورنعشیں قبضہ میں لے کر پوسٹ مارٹم کیلئے ایوب ٹیچنگ ہسپتال منتقل کردیں۔مدعی یاسرسلیم ولد سلیم کی دعویداری پر پولیس نے مرکزی ملزم انور خان ،اس کے داماد مراد خان گرفتار کرکے تیسرے نامزد ملزم وقاص خان کی تلاش شروع کردی ہے۔نعشیں پوسٹ مارٹم کے بعد ورثاء کے حوالہ کردی گئیں ہیں۔
