لاہور (این این آئی )معروف قانون دان اعتراز احسن نے چیف جسٹس آف پاکستان کے صاحبزادے کی جانب سے جمع کرائے گئے جرمانے کے دس ہزار روپے واپس کر دئیے، اعتزاز احسن نے چیف جسٹس کے صاحبزادے کو بذریعہ چیک دس ہزار روپے واپس بھجوائے ۔چیف جسٹس پاکستان جسٹس میاں ثاقب نثار نے فارمولہ ملک کمپنیوں کی سماعت کے دوران اعتزازاحسن کی عدم موجودگی میں ان کے جونیئر وکیل کو دس ہزار روپے جرمانہ عائد کیا تھا۔
تاہم یہ جرمانہ ادا نہیں کیا گیا تھا ۔دوبارہ سماعت ہونے پر چیف جسٹس نے اعتزاز احسن کو اس سے آگاہ کرتے ہوئے بتایا کہ جرمانہ جمع نہ کرائے جانے پر میرے بیٹے نے اپنی جیب سے اس کی ادائیگی کر دی ہے اور اس کی رسید اعتزاز احسن کو فراہم کر دی گئی تھی ۔نجی ٹی وی کے مطابق اعتزاز احسن نے 10ہزار روپے کا چیک چیف جسٹس پاکستان کے بیٹے کو بھجوا دیا ہے۔
