سلام آباد (مانیٹرنگ ڈیسک) ملالہ یوسفزئی ان دنوں پاکستان کے 5روزہ دورے پر موجود ہیں اور اس وقت اپنے آبائی علاقے سوات میں موجود ہیں۔ نوبل انعام یافتہ ملالہ یوسفزئی نے اپنے ایک انٹرویو میں شادی سے متعلق پوچھے گئے سوال کا ایسا جواب دیدیا ہے کہ پاکستانی حیران رہ گئے ہیں۔ انٹرویو کے دوران ملالہ یوسفزئی سےخاتون صحافی نے سوال کیا کہ مشرقی ماں باپ بچوں کی ایک خاص عمر میں انہیں شادی کا عندیہ دینا شروع کر دیتے ہیں تو کیا آپ سے بھی شادی کی بات کی جاتی ہے؟ ملالہ یوسف زئی نے جواب
دیتے ہوئے کہا کہ مذاق میں تو کرتے ہیں لیکن سنجیدگی سے نہیں کہتے کیونکہ انہیں معلوم ہے کہ میں نے ابھی شادی نہیں کرنی۔ خاتون صحافی نے اگلا سوال کیا کہ کس قسم کے شخص کیساتھ شادی کرنا چاہئیں گی اور اس میں کیا کیا خوبیاں ہونی چاہئیں جس پر ملالہ نے جواب دیتے ہوئے کہا کہ بہت اہم بات یہ ہے کہ اس کی سوچ مثبت اور اچھی ہو اور دوسروں کا خیال رکھنے والا ہو اور اس کے علاوہ شاہ رخ خان جیسا ہینڈسم ہو۔واضح رہے کہ ملالہ نے بعد میں شاہ رخ خان والی بات پر وضاحت کرتے ہوئے کہا کہ یہ بات مذاق میں کہی ہے۔
