کراچی(آئی این پی ) وزیر اعلی سندھ مراد علی شاہ نے کہا ہے کہ پاکستان کو جمہوری ملک بنانے کے لیے سب کو اپنا کردار ادا کرنا ہے، را ئو انوار کی گرفتاری اور آئی جی سندھ کی تبدیلی کا آپس میں کوئی تعلق نہیں،متحدہ مجلس عمل کی بحالی کا خیر مقدم کرتے ہیں، ہر کسی کو سیاست کاحق ہے۔ 2018 انتخابات کا سال ہے۔ جمعہ کو وزیر اعلی سندھ مراد علی شاہ نے یوم پاکستان کے موقع پر سندھ کابینہ کے ارکان کے ہمراہ مزار قائد پر حاضری کے

بعد میڈیا سے بات کرتے ہوئے وزیر اعلی سندھ نے کہا کہ پاکستان کو جمہوری ملک بنانے کے لیے سب کو اپنا کردار ادا کرنا ہے، آج کے دن تمام پاکستانی ملک کی ترقی کے لیے عہد کریں۔مراد علی شاہ نے کہا کہ آج یوم پاکستان ہے، اس اہم موقع پر میں را انوار یا اے ڈی خواجہ پر زیادہ بولنا نہیں چاہتا۔ را ئوانوار کی گرفتاری اور آئی جی سندھ کی تبدیلی کا آپس میں کوئی تعلق نہیں ہے۔ انہوں نے کہا کہ ہر کسی کو سیاست کاحق ہے۔ 2018 انتخابات کا سال ہے، متحدہ مجلس عمل کی بحالی کا خیر مقدم کرتے ہیں۔