راولپنڈی (آئی این پی) آئی ایس پی آر نے 78ویں یوم پاکستان کے موقع پر وزیراعظم پاکستان کا پیغام جاری کر دیا، وزیراعظم شاہدخاقان عباسی نے کہا کہ امن و خوشحالی کیلئے ہمارا جذبہ لازوال ہے، باہمی ترقی سے پاکستان کو امن و ترقی کا گہوارہ بنائیں گے، یہ وطن اقبال کا خواب اور ہمارے اسلاف کا انمول تحفہ ہے، ہر پاکستانی نے پکارا پاکستان،امن کا نشان،یہ ہمارا پاکستان۔ جمعرات کو سماجی رابطوں کی ویب سائٹ ٹوئیٹر پر پاک فوج کے شعبہ

تعلقات عامہ کے ڈائریکٹر جنرل میجر جنرل آصف غفور نے 23مارچ کے حوالے سے وزیراعظم کا پیغام جاری کر دیا، شاہد خاقان عباسی نے اپنے پیغام میں کہا کہ پاکستانی قوم ایک عظیم قوم ہے، امن و خوشحالی کیلئے ہمارا جذبہ لازوال ہے،باہمی ترقی سے پاکستان کو امن و ترقی کا گہوارہ بنائیں گے، یہ وطن اقبال کا خواب اور ہمارے اسلاف کا انمول تحفہ ہے، پاکستان کی ترقی و خوشحالی ہماری مشترکہ ذمہ داری ہے، ہر پاکستانی نے پکارا پاکستان، امن کا نشان ، یہ ہمارا پاکستان۔