گوجرانوالہ (مانیٹرنگ ڈیسک) تحریک انصاف کے کارکنان نے پارٹی چیئرمین عمران خان کو جوتے سے بچانے کیلئے بلا فورس تیار کرلی۔ میڈیا رپورٹ کے مطابق دورہ گوجرانوالہ کے دوران تحریک انصاف کے کارکنان نے پارٹی چیئرمین عمران خان کو جوتے سے بچانے کی حکمت عملی تیار کرتے ہوئے ’بلا‘
فورس تیار کرلی ہے ۔گوجرانوالہ میں کارکنان نے سرخ اور سبز بلے اٹھا کر پارٹی چیئرمین کو سیکیورٹی فراہم کرنے کا اعلان کرتے ہوئے کہا ہے کہ عمران خان ہمارے مہمان ہیں ان پر کوئی آنچ نہیں آنے دینگے۔ انہوں نے کہا کہ پی ٹی آئی یوتھ کے بلا بردار کارکن عمران خان کے گرد حصار بنا کر رکھیں گے۔
