اسلام آباد(مانیٹرنگ ڈیسک)مسلم لیگ ن اور پیپلزپارٹی میں کرپشن کیسز پر معاملات طے، ن لیگی ایم این اے رمیش کمار نے سمجھوتے کا اعتراف کر لیا۔ تفصیلات کے مطابق ن لیگ کے ایم این اے رمیش کمار نے مسلم لیگ ن اور پیپلزپارٹی کے درمیان کرپشن کیسز پر پردہ ڈالنے کا سمجھوتہ طے پانے کا اعتراف کر لیا ہے۔ نجی ٹی وی پروگرام میں گفتگو کرتے ہوئے رمیش کمار کا کہنا تھا کہ تحریک انصاف نے جب ن لیگ
کی حکومت کیلئے مشکلات کھڑی کیں تو پیپلزپارٹی نے موقع کا فائدہ نہیں اٹھایا بلکہ ن لیگ سے کمپرومائز کر لیا۔ حکومت نے بھی پیپلزپارٹی کے کرپشن کے جتنے بھی کیس کھلنے چاہئے تھے وہ بند کر دئیے۔ پیپلزپارٹی کو سب سے زیادہ مسئلہ چوہدری نثار سے تھا ،چوہدری نثار پیپلزپارٹی کے کرپشن کیسز کھولنا چاہتے تھے مگر نواز شریف اس چیز کے مخالف تھے اور انہوں نے چوہدری نثار کو ایسا کرنے سے منع کر دیا تھا۔
