اسلام آباد(مانیٹرنگ ڈیسک)’’غلاظت کا ایک بدبودار گڑھا ہے، جس کا نام پی ٹی آئی ہے‘‘ ریحام خان نے عامر لیاقت کے ساتھ ہونے والے انٹرویو کا قصہ چھیڑ دیا،تفصیلات کے مطابق عامر لیاقت کی پاکستان تحریک انصاف میں شمولیت کے بعد عمران خان کی سابق اہلیہ ریحام خان بھی میدان میں آ گئیں،ایک ٹویٹ کرتے ہوئے ریحام خان نے کہا کہ کیا عامر لیاقت اب وہ انٹرویو چلائیں گے جو انہوں نے میرے ساتھ 2015 میں کیا تھا ؟
یا اسے اپنے طریقے سے تحریک انصاف میں بلیک میل کریں گے۔ریحام خان نے ٹویٹر پرعامر لیاقت کی جانب سے کیا جانے والے ٹویٹ کا سکرین شاٹ بھی شیئر کیا جس میں ریحام خان نے پیغام لکھا کہ یہ وہ ٹویٹ ہے جو کہ انہوں نے میرے ساتھ انٹرویو کے فوری بعد کیا تھا۔جس میں عامر لیاقت نے لکھا تھا کہ ایک بات تو طے ہو گئی کہ غلاظت کا ایک بدبو دار گڑھا ہے جس کا نام پی ٹی آئی ہے۔
