لاہور ( این این آئی) سابق صدر پرویز مشرف کی وطن واپسی پران کا نام ایگزٹ کنٹرول لسٹ میں شامل کرانے کیلئے لاہور ہائیکورٹ میں درخواست دائر کر دی گئی۔مقامی وکیل رانا علم الدین غازی کی جانب سے دائر درخواست میں کہا گیا ہے کہ پرویز مشرف کے خلاف بغاوت کا مقدمہ درج کرنے کیلئے د رخواست
ہائیکورٹ میں زیر التواء ہے اور اس مقصد کیلئے ایک فل بنچ بھی تشکیل دیا گیا،اطلاعات کے مطابق پرویز مشرف پاکستان واپس آ رہے ہیں اس لیے ان کیخلاف مقدمات کے پیش نظران کا نام ای سی ایل میں شامل کیا جائے تاکہ اپنے کیخلاف مقدمات کی سماعت مکمل ہونے اور ان پر فیصلہ آ نے تک ملک سے باہر نہ جاسکیں۔
