اسلام آباد (مانیٹرنگ ڈیسک)نجی ٹی وی کو انٹرویو کے دوران سابق وزیرداخلہ چوہدری نثار نے نواز شریف کو فرعون کہنے کی وجہ بتا دی۔ تفصیلات کے مطابق نجی ٹی وی انٹرویو کے دوران سابق وزیرداخلہ چوہدری نثار نے نواز شریف کو فرعون کہنے کی وجہ بتا دی ہے۔ ان کا کہنا تھا کہ آخری دنوں میں جب میں خود بھی وزیر تھا تو میں نواز شریف کے پاس گیا اور کہا کہ میاں صاحب میری ساری سیاسی زندگی آپ کے ساتھ گزری ہے۔اور میں نے ہمیشہ آپ کے سامنے صحیح اور غلط کی نشاند ہی کی۔لیکن میں جب بھی کبھی
آپ کے سامنے کوئی تلخ بات کرتا تھا تو مجھے آپ کے چہرے پر فرعون نظر نہیں آتا تھا لیکن پچھلے چار سالوں میں جب بھی میں نے آپ سے کوئی تلخ بات کی تو مجھےآپ کے چہرے پر فرعون نظرآیا ۔میری اس بات پر تب نواز شریف نے مجھے کہا کہ آپ نے میرے ساتھ وفاداری نبھائی ہےاور مجھے آپ کے پارٹی میں کردار کا احساس ہے، میں جانتا ہوں کہ آپ مجھ سے جو بھی بات کرتے ہیں وہ نیک نیتی سے کرتے ہیں اور آپ بیشک اس کو جاری رکھیں۔چوہدری نثار کا کہنا تھا کہ اس بات کے بعد حالات بالکل تبدیل ہو گئے۔
