اسلام آباد (مانیٹرنگ ڈیسک) شہباز شریف کی راولپنڈی میں کسی اعلیٰ شخصیت سے ملاقات نہیں ہوئی، ن لیگ نیب کی گرفتاریوں سے بچنے کیلئے میڈیا میں ایسی افواہیں پھیلا رہی ہے، معروف صحافی و تجزیہ کار چوہدری غلام حسین نے راولپنڈی میں وزیراعلیٰ پنجاب کی اہم شخصیت سے ملاقات کو خارج از امکان قرار دیدیا۔ تفصیلات کے مطابق نجی ٹی وی پروگرام میں گفتگو کرتے ہوئے معروف صحافی چوہدری غلام حسین نے راولپنڈی میں وزیراعلیٰ پنجاب
کی اہم شخصیت سے ملاقات کو خارج از امکان قرار دیتے ہوئے کہا کہ ایسا کچھ نہیں ہوا۔ پلاننگ کے تحت میڈیا میں وزیراعلیٰ پنجاب شہباز شریف کی راولپنڈی میں اعلیٰ شخصیات کے ساتھ خفیہ ملاقاتوں کی خبریں پھیلائی جا رہی ہے اور یہ خبریں ن لیگ پھیلا رہی ہے جس کا مقصد نیب کی طرف سے کی جانے والی گرفتاریوں کی شدت میں کمی لانا ہے۔ چوہدری غلام حسین کا کہنا تھا کہ میرے ذرائع نے لکھ کر شہباز شریف کی راولپنڈی میں اعلیٰ شخصیت کیساتھ ملاقات کی تردید کی ہے۔
