پشاور(مانیٹرنگ ڈیسک) افغانستان کی مختلف جیلوں میں قید چوبیس پاکستانیوں کے رشتہ داروں نے حکومت سے رہائی سے تعاون کی اپیل کی ہے ۔ حکومت سفارتی سطح پرنواجوان کی رہائی میں تعاون کرے۔پشاورپریس کلب میں نیوز کانفرنس کے دوران افغانستان کی مختلف جیلوں میں قید پاکستانیوں کے رشتہ داروں کا کہنا تھا کہ
پشاور، چارسدہ، مردان، صوابی اور دیگر اضلاع کے چوبیس نوجوان افغانستان کی باگرام اورپل چرخی جیل میں قید ہیں،نوجوان روزگار کی غرض سے افغانستان گئے تھے،جنہیں معمولی جرائم میں قید کیا گیا ہے، رشتہ داروں نے حکومت سے قیدیوں کی رہائی کے لئے سفارتی سطح پر معاملے کو اٹھانے کا مطالبہ کیا۔
