اسلام آباد (مانیٹرنگ ڈیسک )عمران خان کی مقامی ریسٹورنٹ میں پیزا کافی میں ڈبو کر کھانے کی ویڈیو منظر عام پر آتے ہی سوشل میڈیا پر ہنگامہ برپا ہو گیا۔ تفصیلات کے مطابق سوشل میڈیا پر تحریک انصاف کے چیئرمین عمران خان کی ایک ویڈیو تیزی سے وائرل ہو رہی ہے جس میں دیکھا جا سکتا ہے کہ وہ ایک مقامی ریسٹورنٹ میں بیٹھے ہیں اور پیزا کافی میں ڈبو ڈبو کر کھا رہے ہیں، کپتان کی یہ ویڈیو آمنہ حسین فصیح کی جانب سے شیئر کی گئی ہے جو کہ تحریک انصاف کی سوشل میڈ یا ٹیم کی رکن ہیں ۔
سوشل میڈیا سائٹ فیس بک پر موجود ایک پیج ’’میٹرونوم‘‘نے عمران خان کی یہ ویڈیو شیئر کرتے ہوئے لکھا ہے کہ ان خان کی ہربات ٹھیک لگتی ہے اور میں ان کے نظریے کی مکمل طور پرحمایت کرتا ہوںلیکن یہ ”ڈنکن ڈونٹ“میں کافی کے اندر پیزا ڈبو کر کھانے کا سین ہے ؟نہ یار!!!۔اس ویڈیو نے سوشل میڈیا پر دھوم مچا دی اور صارفین بھی کھل کر عمران خان کے حق میں بول پڑے ۔ایک شخص کا کہنا تھا کہ عمران خان ہی یہ کام کر سکتا ہے کیونکہ وہ ہمیشہ ایسا کام کرتے ہیں جو کوئی اور نہیں کر سکتا۔
