پشاور (مانیٹرنگ ڈیسک) خیبرپختونخواہ کی 11 میں سے 7 نشستوں کے غیرسرکاری غیر حتمی نتائج سامنے آئے ہیں،مولانا سمیع الحق جنہیں تحریک انصاف کی حمایت حاصل تھی وہ بھی کامیاب نہیں ہو سکے ہیں، خیبرپختونخوا سے خواتین کی ایک نشست پرپی ٹی آئی کی مہر تاج روغانی، دوسری پر پیپلز پارٹی کی روبینہ خالد کامیاب ٹھہریں۔ ٹیکنوکریٹ کی نشست پرتحریک انصاف کے اعظم سواتی
اور ن لیگ کے حمایت یافتہ امیدواردلاورخان فاتح قرار پائے۔واضح رہے کہ مولانا سمیع الحق کو صرف تین ووٹ ملے، اس کے علاوہ جنرل نشستوں پر تحریک انصاف کے فیصل جاوید، جے یوآئی ف کے طلحہٰ محمود، ن لیگ کے حمایت یافتہ آزاد امیدوار پیر صابرشاہ نے کامیابی حاصل کی۔واضح رہے کہ تحریک انصاف کو مولانا سمیع الحق کی کامیابی کا پورا یقین تھا لیکن وہ شکست کھا گئے۔
