اسلام آباد(آئی این پی ) وزارت دفاع نے پاک فضائیہ کے سربراہ کی ریٹائرمنٹ کے پیش نظر نئے ایئر چیف مارشل کے لیے 4 نام وزیراعظم کو بھجوادیئے، نئے ایئرچیف کے لیے ایئرمارشل فاروق حبیب، مجاہد انور، ارشد ملک اور عاصم ضمیر کے نام شامل ہیں ۔ ہفتہ کو نجی ٹی وی کے مطابق پاک فضائیہ کے سربراہ ایئرچیف مارشل سہیل امان 18 مارچ کو اپنے عہدے سے سبکدوش ہوجائیں گے جس کے باعث نئے سربراہ کے لیے ناموں پر غور شروع کردیا گیاہے۔
وزارت دفاع کی جانب سے نئے ایئرچیف کے لیے 4 ناموں کی سمری بھجوادی گئی ہے جن میں ایئرمارشل فاروق حبیب، مجاہد انور، ارشد ملک اور عاصم ضمیر کے نام زیر غور ہیں۔ ایئرمارشل فاروق حبیب وائس چیف آف ایئر اسٹاف کی خدمات انجام دے رہے ہیں، ایئر مارشل مجاہد انور ڈپٹی چیف ایئراسٹاف (سپورٹ)، ایئر مارشل ارشد محمود ملک ڈپٹی چیف آف ایئر اسٹاف(پرسانل) اور ایئر مارشل عاصم ضمیر ڈپٹی چیف آف ایئراسٹاف (ایڈمن) کے عہدے پر تعینات ہیں۔
