اسلام آباد(مانیٹرنگ ڈیسک)وزیراعظم شاہد خاقان عباسی کی جانب سے ن لیگ کی پارلیمانی پارٹی کے اعزاز میں دیئے ظہرانا دیا گیا جس میں سابق وزیر داخلہ چوہدری نثار علی خان نے شرکت نہیں کی ۔ نجی ٹی وی نیو زچینل کے مطابق وزیراعظم شاہد خان کی جانب سے پارلیمانی پارٹی کے اعزاز میں ظہرانہ دیا گیا جس میں مسلم لیگ ن کے رہنمائوں نے شرکت کی ۔ ظہرانہ پارلیمنٹ ہائوس کے سپیکر لانج میں دیا گیا ۔
سابق وزیر داخلہ چوہدری نثار علی خان وزیراعظم کی جانب سے دیئے گئے ظہرانے میں شریک نہیں ہوئے جبکہ وہاں سپیکر سے ملاقات کرنے کے بعد واپس چلے گئے ۔ ظہرانے کے بعد مسلم لیگ ن کی پارلیمانی پارٹی کا اجلاس ہو گا،جس کی وزیر اعظم شاہد خاقان عباسی صدارت کریں گے۔
