اسلام آباد(مانیٹرنگ ڈیسک)سابق وزیراعظم نواز شریف اور ان کی صاحبزادی مریم نواز کی اسلام آباد بلیو ایریا میں واقع بیکری آمد، خریداری کے دوران لوگوں میں گھل مل گئے۔ تفصیلات کے مطابق سابق وزیراعظم نواز شریف اور ان کی صاحبزادی مریم نواز کی اسلام آباد بلیو ایریا میں واقع بیکری میں اچانک آمد نے سب کو حیران کر دیا۔ نواز شریف اور مریم نواز چیزوں کی خریداری کے دوران لوگوں میں گھل مل گئے۔ میڈیا رپورٹس کے مطابق نواز شریف اور مریم نواز کو اپنے
درمیان دیکھ کر لوگ حیران ہونے کےساتھ خوش ہو گئےاور ایک مقبول لیڈر کے اس عوامی انداز کو بہت سراہا جا رہا ہے۔ بیکری میں نواز شریف کو دیکھ کر ایک شہری ان کے پاس آگیا اور ان سے گفتگو کرتے ہوئے کہا کہ ہم جانتے ہیں کہ آپ کو سی پیک کی سزا دی جا رہی ہے کیونکہ سی پیک امریکہ کی آنکھ میں کانٹے کی طرح کھٹک رہا ہے۔ ایک دوسرا شہری بھی جو بیکری میں خریداری کیلئے آیا تھا اس کا کہنا تھا کہ نواز شریف کو اس سے پہلے بھی موٹر وے بنانے کی وجہ سے سزا دی گئی ۔
