لاہور ( این این آئی) لاہور ہائیکورٹ نے مسلم لیگ (ن) کے حمایت یافتہ امیدوار اسحاق ڈار کے خلاف درخواست خارج کرتے ہوئے سینیٹ الیکشن لڑنے کی اجازت دے دی ۔لاہور ہائیکورٹ کے 2رکنی فل بنچ نے اسحاق ڈار کے خلاف دائر درخواست کی سماعت کی۔ پیپلز پارٹی کے نواب زادہ نوازش علی نے اسحاق ڈار کے خلاف درخواست

دائر کی ۔ درخواست میں موقف اختیار کیا گیا کہ اسحاق ڈار پاناما کیس میں اشتہاری ہے، ایک اشتہاری شخص انتخابات میں حصہ لینے کا اہل نہیں۔ درخواست گزار نے عدالت سے استدعا کی کہ اسحاق ڈار کو انتخابات میں حصہ لینے کی اجازت کو کالعدم قرار دیا جائے۔تاہم عدالت نے اسحاق ڈار کے خلاف درخواست خارج کرتے ہوئے انہیں سینیٹ الیکشن لڑنے کی اجازت دے دی ۔

موضوعات:لاہور ہائیکورٹ