اسلام آباد (مانیٹرنگ ڈیسک)شہباز شریف نے ن لیگ کا قائم مقام صدر بنتے ہی نواز شریف کے قریبی ساتھیوںپر بجلیاں گرا دیں، کچن کیبنٹ میں بڑی تبدیلی کا فیصلہ ، پرویز رشید، آصف کرمانی، مریم اورنگزیب سمیت طلال چوہدری اور دانیال عزیز کی چھٹی۔ تفصیلات کے مطابق شہباز شریف نے ن لیگ کا قائم مقام صدر بنتے ہی اپنی کچن کیبنٹ میں بڑی تبدیلی کا فیصلہ کرتے ہوئے نواز شریف کے قریبی ساتھیوں پر بجلیاں گرا دی ہیں۔ شہباز شریف نے بطور پارٹی صدر نئے اقدامات
شروع کر دئیے ہیں اور اس سلسلے میں کچن کیبنٹ سے پرویز رشید، آصف کرمانی ، مریم اورنگزیب سمیت طلال چوہدری اور دانیال عزیز کو نکال باہر کیا ہے۔ واضح رہے کہ یہ تمام رہنما نواز شریف اور مریم نواز کے انتہائی قریبی اور معتمد سمجھے جاتے ہیں اور پارٹی سربراہ کے طور پر نواز شریف ان پر اعتماد کرتے رہے ہیں مگر شہباز شریف نے نواز شریف کے بعد ن لیگ کی باگ ڈور سنبھالتے ہی پارٹی سربراہ کے طور پر ان افراد کو اپنی کچن کیبنٹ سے فارغ کرنے کا فیصلہ کیا ہے ۔
