لاہور(سی پی پی) پیپلز پارٹی کے رہنما قمرزمان کائرہ نے کہا ہے کہ شہبازشریف کوپارٹی کا صدربنانا ن لیگ کا مستحسن فیصلہ ہوگا۔میڈیا سے گفتگو کرتے ہوئے انہوں نے کہا کہ شہبازشریف بیوروکریسی کے ساتھ بناکر رکھتے ہیں،کسی بھی سیاسی معاملے پر نوازشریف سے بات کرنا آسان تھا، شہباز شریف کے ساتھ نہیں
کیونکہ شہبازشریف کاپیپلزپارٹی کے ساتھ رویہ ہتک آمیزرہا ہے۔جب سے مریم نواز کی آواز توانا ہوئی ہے،نوازشریف کے لیے مسائل پیدا ہوئے ہیں۔واضح رہے کہ وزیراعلی پنجاب شہباز شریف کو آج مسلم لیگ ن کا قائم مقام صدر منتخب کیے جانے کا امکان ہے، اگلے 45 دنوں میں پارٹی الیکشن کرا کے مستقل صدر بنایا جائے گا۔
