اسلام آباد(مانیٹرنگ ڈیسک)بھارتی اداکارہ سری دیوی کے انتقال پر اظہار افسوس کرنا وزیر مملکت اطلاعات و نشریات مریم اورنگزیب کو مہنگا پڑ گیا۔معروف صحافی احمد قریشی نے پروگرام کے دوران  زبردست کلاس لے لی۔احمد قریشی نے گفتگو کرتے ہوئے کہا کہ کل صبح وفاقی حکومت کی بنیادیں ہل گئیں۔ویسے تو مجھے بھی نہیں تھا پتہ لیکن اب پتہ چلا ہے کہ ہماری حکومت کی پھو پھو کا انتقال ہو گیا ہے۔احمد قریشی کا کہنا تھا کہ صبح صبح

ہماری حکومت پاکستان کی طرف سے ایک بہت رعب دار پیغام ٹویٹر پر جاری ہوا۔لیکن خبر کو فورا ہٹانے کا حکم دیا گیا لیکن پھر بھی ایک دو جگہ پر یہ خبر رہ گئی۔احمد قریشی کا مزید کہنا تھا کہ ہم بھارتیوں کی طرح نہیں ہیں ۔ہمارے چھوٹے دل نہیں ہیں۔بے شک ہمارا ملک ان سے پانچ گنا چھوٹا ہے لیکن ہمارا دل ان سے پانچ گنا بڑا ہے۔بھارت میں ہمارے اداکاروں کو دھمکیاں دی گئیں لیکن ہمارے ہاں وزیر اطلاعات بھارتی اداکارہ کی موت پر اظہار افسوس کرتی ہیں۔کل ہی بھارت نے پاکستان سے متعلق ایک جھوٹی خبر چلائی جس سے کراچی اسٹاک ایکچینج کریش ہو گئی جب کہ پاکستان کنٹرول لائن پر بھی 16پاکستانی شہید ہو گئے لیکن اس پروافاقی حکومت کی طرف سے کوئی بیان نہیں آیا ۔واضح رہے کہ گزشتہ روزوزیر مملکت اطلاعات و نشریات مریم اورنگزیب نے بولی وڈ کی نامور فنکارہ سری دیوی کے انتقال پر اظہار افسوس کیا تھا ۔ مریم اورنگزیب نے اپنے بیان میں کہا کہ سری دیوی ایک ورسٹائل اداکارہ تھیں جنہوں نے اپنے فن اور اداکاری کے جوہریادگار کرداروں کی صورت میں نبھائے۔ان کے انتقال سے پوری دنیا میں موجود ان کے مداحوں کودلی افسوس ہوا ہے۔مریم اورنگزیب نے سوگواران سے دلی ہمدردی کا اظہار کیا ہے ۔