لاہور (آئی این پی) وزیراعلیٰ پنجاب محمد شہباز شریف نے کہا ہے کہ حکومت کرپشن کے خلاف زیرو ٹالرنس کی پالیسی پر عمل پیرا ہے‘ ماضی کی کرپشن‘ لوٹ مار اور غلط پالیسیوں کے باعث عالمی سطح پر پاکستان کا امیج متاثر ہوا‘ اربوں روپے کے قومی وسائل بچا کر پہلی بار بچت کی نئی مثال قائم کی گئی۔ پیر کو شہباز شریف نے منتخب نمائندوں سے گفتگو کرتے ہوئے کہا کہ (ن) لیگ حکومت کے منصوبے شفافیت‘ رفتار اور اعلیٰ معیار کی خود گواہی دے رہے ہیں۔
حکومت کرپشن کے خلاف زیرو ٹالرنس کی پالیسی پر عمل پیرا ہے۔ ٹھوس اقدامات سے پاکستان میں کرپشن کنٹرول کرنے کی عالمی درجہ بندی میں بہتری آئی ہے۔ ماضی کے حکمرانوں نے وسائل کو بے دردی سے لوٹا ماضی کی کرپشن‘ لوٹ مار اور غلط پالیسیوںکے باعث عالمی سطح پر پاکستان کا امیج متاثر ہوا ہماری حکومت نے عوام کی کمائی کو دیانتداری سے فلاح عامہ کے منصوبوں پر خرچ کیا۔ انہوں نے کہا کہ اربوں روپے کے قومی وسائل بچا کر پہلی بار بچت کی نئی مثال قائم کی گئی۔ عوام کی بے لوث خدمت ہمارا مشن ہے۔ جب تک جان میں جان ہے عوام کی خدمت کے مشن کو جانفشانی سے پورا کرتے رہیں گے۔
