کوئٹہ (مانیٹرنگ ڈیسک) وزیراعلیٰ بلوچستان ثناء اللہ زہری کیخلاف تحریک عدم اعتماد کوکامیاب بنانے کیلئے اپوزیشن جماعتوں اکٹھی ہوگء ہیں،حکومتی اتحادی مولانا فضل الرحمن نے بھی اپنا وزن اپوزیشن کے پلڑے میں ڈال دیا ہے۔ میڈیا رپورٹس وزیراعلیٰ بلوچستان کیخلاف
تحریک عدم اعتماد کامیاب کروانے کیلئے اپوزیشن جماعتوں کااجلاس ہوا۔جس میں وزیراعلیٰ بلوچستان کیخلاف تحریک عدم اعتماد کامیاب کرانے کا فیصلہ کیا گیا۔اجلاس کی صدارت اپوزیشن لیڈرمولانا عبدالواسع نے کی۔ اجلاس میں حکومتی اتحدی جماعت جییوآئی(ف) کے ارکان اسمبلی نے بھی شرکت کی۔ جبکہ اے این پی کیاراکین اسمبلی سمیت بی این پی کی نمائندگی نوابزادہ لشکری رئیسانی نے کی۔ دوسری جانب وزیراعلیٰ بلوچستان کیخلاف تحریک عدم اعتماد ناکام بنانے کیلئے وفاقی حکومت بھی متحرک ہوگئی ہے۔ وزیردفاع خرم دستگیر نے وزیراعلیٰ بلوچستان ثناء اللہ زہری سے ملاقات کی،جس میں بلوچستان کی سیاسی صورتحال اورامن وامان سمیت دیگرامورپرتبادلہ خیال کیا گیا۔ میڈیا رپورٹس کے مطابق وزیراعلیٰ بلوچستان ثناء اللہ زہری سے وزیردفاع نے اتوار کو ملاقات کی۔ملاقات میں وفاقی وزیرسیفران عبدالقادربلوچ، صوبائی مشیرعبیداللہ بابت اور ناصر یعقوب بھی موجود تھے۔ اس موقع پر مسلم لیگ ن کے رہنماؤں نے وفاقی حکومت کی جانب سے تحریک عدم اعتماد کیخلاف اپنی مکمل حمایت کایقین دلایا۔
