اسلام آباد (آن لائن) وفاقی وزیر کیڈ طارق فضل چودھری اپنے ہی ماتحت ادارے کے نادہندہ نکلے ۔ سی ڈی اے نے طارق فضل سمیت چھ اراکین پارلیمنٹ کو پراپرٹی ٹیکس ادائیگی کے نوٹس جاری کر دیئے ہیں ۔ تفصیلات کے مطابق وفاقی وزیر کیڈ طارق فضل چودھری سمیت چھ اراکین پارلیمان کا پراپرٹی ٹیکس کے نادہندہ ہونے کا انکشاف ہوا ہے وفاقی ترقیاتی ادارے ( سی ڈی اے ) نے طارق فضل چودھری کو 2 لاکھ 50 ہزار سے زائد کے پراپرٹی

ٹیکس کا نادہندہ ہونے پر نوٹس جاری کر دیا ہے جبکہ دیگر اراکین پارلیمان کو بھی پراپرٹی ٹیکس کی ادائیگی کے نوٹسز جاری کر دیئے ہیں سی ڈی اے کی جانب سے پراپرٹی ٹیکس کی عدم ادائیگی پر نوٹس جاری ہونے والوں میں ایم این اے عباد اللہ خان ‘ سینیٹر نزہب صادق ‘ سینیٹر سیف اللہ بنگش ‘ سینیٹر سجاد حسین سوری اور اسلام الدین شیخ کے نام شامل ہیں ۔ سی ڈی اے نے ان تمام اراکین پارلیمنٹ کو جلد از جلد پراپرٹی ٹیکس ادا کرنے کی ہدایت کی ہے ۔