اسلام آباد(مانیٹرنگ ڈیسک)وزیراعلیٰ پنجاب شہباز شریف کے صاحبزادے سلیمان شہباز کاسیاست میں آنے کا اعلان، راولپنڈی کے حلقہ این اے 55سے الیکشن لڑنے کا فیصلہ، قومی اخبار کی رپورٹ کے مطابق وزیراعلیٰ پنجاب شہباز شریف کے صاحبزادے سلمان شہباز نے بھی سیاست میں آنے کا اعلان کر دیا ہے اور اس اعلان کے ساتھ ہی انہوں نے راولپنڈی کے حلقہ این اے 55سے الیکشن لڑنے

کا فیصلہ کر لیا۔ ذرائع کے مطابق سلیمان شہباز شریف نے اپنے والد وزیر اعلیٰ پنجاب شہباش ریف سے اجازت لے لی ہے اور سیاست میں آنے کا اعلان کر دیا ہے۔ سلیمان شہباز شریف نے راولپنڈی کے حلقہ این اے 55سے عوامی مسلم لیگ کے سربراہ شیخ رشید کے مقابلے میں الیکشن لڑنے کا فیصلہ کیا ہے۔ عوامی مسلم لیگ کے سربراہ شیخ رشید احمد کی جانب سے مسلم لیگ ن کے خلاف ہر فورم میں آواز اٹھانے پر مسلم لیگ ن بھی مقابلہ کر کے شیخ رشید کو شکست دینے کا فیصلہ کیا ہے۔ سلیمان شہباز شریف کے سیاست میں اعلان کرنے اور حلقہ این اے 55سے الیکشن لڑنے کے فیصلے سے قبل سابق وزیراعظم پاکستان میاں نواز شریف کی صاحبزادی مریم نواز نے عوامی مسلم لیگ کے سربراہ شیخ رشید احمد کے خلاف الیکشن لڑنے کا فیصلہ کیا تھا۔ مریم نواز کے حلقہ این اے 55میں الیکشن لڑنے کا فیصلہ کرنے کے بعد باقاعدہ طور پر لیگی قیادت متحرک ہو گئی تھی اور یونین کونسلز سطح پر میٹنگ کا آغاز کر دیا گیا تھا بالخصوص خواتین کو متحرک کرنے کیلئے روزانہ کی بنیاد پر میڑنگ کی جا رہی تھیں تاہم مریم نواز کی مختلف کیسز میں آئے روز کی پیسیوں اور ان کے خلاف کسی بھی ممکنہ فیصلے کے پیش نظر وزیراعلیٰ پنجاب شہباز شریف کے بیٹے سلیمان شہباز شریف کو الیکشن لڑانے کا فیصلہ کیا گیا۔ ذرائع کا کہنا ہے کہ وزیراعلیی پنجاب شہباز شریف کے بیٹے سلیمان شہباز شریف

آئندہ ہفتے راولپنڈی میں مسلم لیگ ن کی قیادت سے ملاقات کریں گے اور انہیں حلقہ این اے 55میں مہم چلانے کیلئے مشاورت کرین گے۔ مسلم لیگ ن کا وفد آئندہ ہفتے لاہور راونہ ہو گا جو وزیراعلیٰ پنجاب کے بیٹے سلیمان شہباز شریف سے ملاقات کر کے راولپنڈی کی صورتحال سے آگاہ کریں گے۔