کراچی (این این آئی)پاکستان پیپلزپارٹی کے ترجمان چوہدری منظورنے کہاہے کہ نوازشریف قوم کے ساتھ مذاق بندکردیں، نوازشریف ذاتی عدل کیلئے نظام کوتباہ کرنے پر تلے ہیں۔سابق وزیراعظم نواز شریف کے بیان پر اپنے ردعمل کا اظہار کرتے ہوئے پیپلزپارٹی کے ترجمان چوہدری منظور نے کہا کہ نوازشریف کے بیان سے لگتاہے

کوئی نیالاڈلہ آگیا ہے، نواز شریف کاعدل اورانصاف کے ساتھ کوئی تعلق نہیں ہے۔چوہدری منظور نے کہاکہ نوازشریف قوم کے ساتھ مذاق بندکردیں، نوازشریف پیپلزپارٹی کے خلاف سازش،انتقام میں شریک رہے۔ترجمان پیپلزپارٹی نے کہا کہ پی ٹی آئی اورن لیگ آدھاآدھا اوراپنی مرضی کاسچ بول رہی ہے، پیپلزپارٹی حدیبیہ،نیازی سروسز جیسے فیصلوں سے مطمئن نہیں، نوازشریف کو تو ابھی کچھ بھی نہیں کہا گیا۔