اسلام آباد (مانیٹرنگ ڈیسک) سپریم کورٹ نے مسلم لیگ (ن) کے رہنما حنیف عباسی کی طرف سے عمران خان کی نااہلی کیس پر فیصلہ سنا دیا، سپریم کورٹ نے اپنے فیصلے میں عمران خان کی نااہلی کی درخواست مسترد کرتے ہوئے انہیں اہل قرار دیا جبکہ تحریک انصاف کے سیکرٹری جنرل جہانگیر ترین کو نااہل قرار دے دیا گیا،سپریم کے اس فیصلے کے بعد تحریک انصاف کے
چیئرمین عمران خان نے اپنی جماعت کا ہنگامی اجلاس بلا لیا ہے، تحریک انصاف کا یہ ہنگامی اجلاس ہفتے کے دن اسلام آباد میں ہو گا، واضح رہے کہ تحریک انصاف کے سیکرٹری جنرل جہانگیر ترین کی نااہلی کے بعد تحریک انصاف کے چیئرمین عمران خان نے یہ تحریک انصاف کی اعلیٰ قیادت کا اجلاس طلب کیا ہے ، اس اجلاس میں مستقبل بارے اہم فیصلے کیے جانے کی توقع ہے۔
