اسلام آباد (مانیٹرنگ ڈیسک) سینئر صحافی و تجزیہ کار چوہدری غلام حسین نے نجی ٹی وی پروگرام میں گفتگو کرتے ہوئے کہا ہے کہ شہباز شریف نے لندن جانے سے قبل اپنے انتہائی قریبی رفقا اور مشیروں کے ایک اجلاس میں پنجاب اسمبلی توڑنے کا فیصلہ کر لیا ہے۔ چوہدری غلام حسین کا کہنا تھا کہ اجلاس شروع ہونے سے قبل شہباز شریف نے بیوروکریٹس اور دیگر ملازمین کو کمرے سے باہر نکال دیا تھا ۔
اجلاس کے دوران شہباز شریف کا کہنا تھا کہ اس سے پہلے ہمارے لوگ اور اراکین صوبائی اسمبلی استعفے دیں اور جگہ جگہ دھرنے ہوں میں اس سب سے پہلے ہی پنجاب اسمبلی کو توڑنے کا فیصلہ کرتا ہوںاور 20جنوری کو پنجاب اسمبلی توڑ دوں گا۔ نئے الیکشن ہونگے جس نے جانا ہے وہ چلا جائے جس کو ہم نے نکالنا ہے نکالیں گے اور میرے اس فیصلے میں وزیراعظم شاہد خاقان عباسی میرے موقف کے حمایتی ہیں۔
