اسلام آباد (مانیٹرنگ ڈیسک) مسلم لیگ (ن) کے صوبائی اقلیتی وزیر خلیل طاہر سندھو نے پیپلز پارٹی میں شمولیت کے لیے رابطے شروع کر دیے ہیں، تفصیلات کے مطابق ایک موقر قومی اخبار کی خبر کے مطابق حال ہی میں پنجاب کے صوبائی وزیر اقلیتی خلیل طاہر سندھو نے لاہور میں
پیپلز پارٹی کے چیئرمین بلاول بھٹو سے ملاقات کی ہے اور انہیں پیپلز پارٹی میں شمولیت کے بارے میں یقین دلایا ہے۔ اخبار کا کہنا ہے کہ مسلم لیگ (ن) کے دیگر ایم این اے اور ایم پی ایز بھی پارٹی چھوڑنے والے ہیں لیکن وہ اس وجہ سے خاموش ہیں کہ اس وقت انہیں ترقیاتی فنڈز مل رہے ہیں۔
