اسلام آباد (مانیٹرنگ ڈیسک) سینئر صحافی اور تجزیہ کار مجیب الرحمان شامی نے کہا ہے کہ اسحاق ڈار خود کو بچانے کے لیے سیاسی پناہ لے سکتے ہیں، تفصیلات کے مطابق سینئر صحافی مجیب الرحمان شامی نے ایک نجی ٹی وی چینل کے پروگرام میں بات چیت کرتے ہوئے کہا کہ نیب نے اسحاق ڈار کو انٹرپول کے ذریعے وطن واپس لانے کا فیصلہ کیا ہے لیکن میں نے سنا ہے کہ وہ ایسی صورت میں سیاسی پناہ لے سکتے
ہیں، انہوں نے کہا کہ اگر اسحاق ڈار کو دل کی بیماری ہے اور وہ اس بیماری کی بدولت سفر نہیں کر سکتے تو برطانیہ میں بھی ایک میڈیکل بورڈ ہوگا اور سینئر صحافی نے اس موقع پر کہا کہ میں نے سنا ہے کہ شاید وہ وہاں سیاسی پناہ لے لیں، پروگرام کے میزبان نے سینئر صحافی مجیب الرحمان شامی کے اس تجزیے پر کہا کہ کیا آپ خبر دے رہے ہیں تو اس جواب میں سینئر صحافی نے کہا کہ ہاں میں نے یہ خبر ہی دی ہے۔
