اسلام آباد(مانیٹرنگ ڈیسک )پی ایس پی کا تحریک انصاف سے رابطہ، سیاسی اتحاد کی پیش کش، تحریک انصاف نے پی ایس پی کو پارٹی میں انضمام کی تجویز دیدی۔ تفصیلات کے مطابق پی ایس پی اور تحریک انصاف کے رہنمائوں کے دبئی میں رابطے کا انکشاف ہوا ہے ۔ دونوں طرف کے رہنمائوں نے دبئی کے ایک ہوٹل میں ملاقات کی ہے جس میں پی ایس پی کی جانب سے تحریک انصاف کو سیاسی اتحاد کی پیش کش کی گئی ہے جبکہ تحریک
انصاف نے پی ایس پی کو پارٹی میں انضمام کی تجویز پیش کی ہے ۔ تحریک انصاف کی جانب سے انضمام کی تجویز پر پی ایس پی کی جانب سے ہچکچاہٹ سامنے آئی ہے اور کہا گیا ہے کہ یہ رابطہ فی الحال سیاسی اتحاد کیلئے ہے انضمام سے متعلق ہوم ورک اور مشاورت کی ضرورت ہے لہٰذا تحریک انصاف پی ایس پی کے ساتھ سیاسی اتحاد پر غور کرے۔ پی ٹی آئی نے پیش کش پر مشاورت کے بعد جلد جواب دینے کا وعدہ کر لیا ہے۔
