اسلام آباد (مانیٹرنگ ڈیسک) وزیراعلیٰ پنجاب میاں محمد شہباز شریف نے پنجاب ایک ہفتہ جشن منانے کا اعلان کیا ہے، تفصیلات کے مطابق وزیراعلیٰ پنجاب شہباز شریف نے ایک اجلاس کی صدارت کرتے ہوئے کہا کہ بانی پاکستان قائداعظم محمد علی جناح کے یوم پیدائش کی مناسبت سے پنجاب میں پورا ہفتہ جشن منایا جائے گا، انہوں نے پورے صوبے میں ایک ہفتے تک قومی جوش و جذبے کے تحت جشن منانے کی منظوری دے دی۔ شہبازشریف نے اجلاس کی صدارت کرتے

ہوئے کہا کہ بانی پاکستان قائد اعظم محمد علی جناح کو خراج عقیدت پیش کرنے کے لیے 25 دسمبر کی مناسبت سے پورے پنجاب میں خصوصی تقاریب منعقد کی جائیں۔ اس اجلاس میں ایک ہفتہ جشن کے بارے میں منصوبہ بندی کی گئی اور جشن کے بارے میں تفصیلات ایک ہفتے کے بعد جاری کی جائیں گی، وزیراعلیٰ پنجاب میاں شہباز کی زیر صدارت ہونے والے اس اجلاس میں صوبائی وزیر مجتبیٰ شجاع الرحمان، رانا مشہود احمد سمیت دیگر اعلیٰ حکام نے شرکت کی۔